Nëse keni konsumuar mish pule me salmonelë, nuk është nevoja për panik pasi ky bakter sipas specialistëve nuk është i panjohur për organizmin tonë. Simptomat sipas specialistëve shfaqen brenda 72 orëve pas kontaktit me salmonelën.

“Nga momenti që ne konsumojmë një produktë që është i kontaminuar me salmonelë, ku jo domosdoshmërishtë e hasim vetëm tek mishi i pulës, por, është veza, qumështi apo krudot e peshku dhe sushi, janë produkte që nëse ne nuk kemi kujdes mund të kontaminohemi, na duhen 6-72 orë për të shfaqur simptomat, nëse ne këto simptoma nuk i kemi shfaqur nuk ka vend për panik”.

Simptomat janë të ngjashme me atë të virozave. Ndaj specialistët këshillojnë mos ngelizhencë të gjendjes disa ditore, por këshillojnë konsultë me mjekun specialist.

“Simptomat janë të natyrës gastroiterninale, vjellje, diarre dhe temperaturë mbi 39. Nëse këto zgjadin më shumë sesa 3-4 ditë, mund të ngatërrohen edhe me ndonjë virozë, ndaj e mira është të shkojnë tek ndonjë mjek specialistë për të bërë dallimin, nëse është virozë apo salmonelë”.

Si në çdo sëmundje apo gjendje virale, më të riskuar për tu prekur janë fëmijët e të moshuarit, kjo për shkak të imunitetit më të dobët. Në çdo rast, specialistët këshillojnë një higjienë dhe kujdes të shtuar në gatimin e produkteve të mishit.