Përgatituni për më “të keqen”! Korriku me temperatura përvëluese, 3-4 ditë pritet të shkojë..

Shqipëria po përballet me një nga verat më të nxehta të viteve të fundit, ku temperaturat ekstreme kanë shënuar rekorde të reja që në muajin qershor. Meteorologia Lajda Porja, e ftuar në emisionin “Aldo Morning Show” në Tv Klan, ka bërë të ditur se vendi ndodhet prej më shumë se 15 ditësh nën ndikimin e një vale të fuqishme të të nxehtit afrikan, e cila kulmoi ditën e djeshme me 41 gradë Celsius të regjistruara në Urën Vajgurore, në qarkun e Beratit.